Chairpersion

क्याम्पस सञ्चालक समितिका अध्यक्षको मन्तव्य

शिक्षाको उज्यालोबाट कोहीपनि बञ्चित हुन नपरोस् भन्ने उद्देश्यले गुणस्तरीय र सर्वसुलभ शिक्षा उपलब्ध गराउँदै आएको राममणि बहुमुखी क्याम्पस सामुदायिक क्याम्पस हो  समुदायको अथक परिश्रम तथा क्याम्पससँग सम्बद्ध प्राध्यापक, कर्मचारी, विद्यार्थीहरूको अपनत्व र भूमिकाकै कारणले क्याम्पसको सर्वाङ्गीण विकासमा फड्को मार्न सफल हुँदै गएको हो । हाल मानविकी, वाणिज्य र शिक्षा सङ्कायमा स्नातक र स्नातकोत्तर तहसम्म अध्ययन अध्यापन सञ्चालन हुँदै आएका छन् । क्याम्पस सञ्चालक समितिको लगनशीलता, प्राध्यापकहरूको दक्षता, कर्मचारीहरूको कतव्र्यपरायणता र विद्यार्थीहरूको अनुशासन एवम् अपनत्वले यसको भौतिकका साथै शैक्षिक उन्नयनमा अनुपम संयोजन हुन सकेको हो ।

अबको युग विज्ञान र प्रविधिको युग हो भन्ने कुरामा हामी सचेत छौं । सञ्चालित विषयहरूको अध्ययन अध्यापनलाई प्रविधियुक्त बनाई उत्कृष्ट विद्यार्थी उत्पादन गर्ने उद्देश्यतर्फ हाम्रा क्रियाकलाप अगाडि बढेका छन् । क्याम्पसले आगामी दिनमा जीवनोपयोगी विज्ञान र प्रविधिका विषयहरू थप गरी उत्कृष्ट, गुणस्तरीय शिक्षा प्रदान गर्नेतर्फ योजना निर्माण गरेको छ । गुणस्तरीय शिक्षाका लागि प्रतिबद्ध राममणि बहुमुखी क्याम्पस यस क्षेत्रकै समुदायको गहना हो । यसको विकास र समृद्धिमा सम्बद्ध सबैको सहयोग र सद्भावको अपेक्षा गर्दछु ।

 

श्री धुव्रकुमार धिताल

अध्यक्ष

क्याम्पस सञ्चालक समिति